تحب تعرف علاش دور في برشا فلوس اما الربح ما فماش ؟
في الجلسة الاستشارية الأولى، نحلّو ملفّك المالي، نكتشفو وين يهرب الربح، ونمدّوك بخطّة واضحة باش تبدأ تربح وتنظّم فلوسك من النهار الأول!
شكون شكيب باني ؟
شكيب باني هو دكتور في المالية، كان نائب ومقرر لجنة المالية في البرلمان التونسي. الدور هذا عطاه نظرة شاملة وعميقة على الاقتصاد التونسي، قوانين المالية، وميزانية الدولة، من قلب صنع القرار
اليوم، يستعمل الخبرة الفريدة هاذيكا بش يعاون أصحاب المؤسسات كيفك، موش كان بش يفهموا أرقامهم، أما زادة بش يفهموا موقعهم في السوق ويستغلو كل الفرص المتاحة. هو يجمع بين العمق الأكاديمي والواقع العملي باش يعطيك أفضل استراتيجية لشركتك.
علاش لازمك خبير مالي؟
بش يفسرلك أرقامك ويحولها لخطة : يحول أرقام الماضي إلى خارطة طريق واضحة للمستقبل، بش تحول التحليل لنمو حقيقي.
بش يعطيك نظرة موضوعية من برا : على خاطرو خارج التفاصيل اليومية، يكتشفلك الفرص المخفية والمشاكل إلي إنت ما تنجمش تراها وحدك.
بش يوقف نزيف الفلوس المخفية : يكتشفلك وين فلوسك قاعدة تضيع في مصاريف زايدة ونظام ناقص، ويوريك كيفاش توقف النزيف المالي هذا.
يدمجك في شبكة تمويل : نربطوك ببنوك و مستثمرين يهمهم مشروعك
: بش يعطيك استراتيجية، موش كان أرقام الـمحاسب متاعك، بحكم القانون، خدمتو الأساسية هي يسجل إلي صار ويعطيك ملخص عالماضي، الخبير المالي خدمتو يحلل معاك الماضي هذاكا ويبنيلك استراتيجية واضحة للنمو في المستقبل.
آراء الحرفاء
ما تثقش كان في كلامنا، شوف بعينك شنوة قالوا الناس اللي خدمنا معاهم.
قصص حقيقية، نتائج ملموسة، وتجارب من ناس كيما انت بالضبط.
مريم – صاحبة براند حلويات
كنت ندور في حلقة مفرغة كل شهر. بعد جلسة RiseUp بديت نطبّق نصائحهم وفي ثلاثة شهور ضاعفت الربح
وليد – صاحب شركة
تحليلهم الدقيق خلّاني نكتشف مصاريف زايدة ما كنتش نلاحظها. رجّعت الاستثمار متاعي في أقل من شهر
ريم – حرفية ديكور
سهّل عليّ نفهم حساباتي وخلاّني نطلب تمويل من بنك تونس العربي الدولي بنجاح
❓ الأسئلة المتداولة (FAQs)
قدّاش طول الجلسة الأولى؟
حوالي ساعة ونصّ، نحفر فيها على كل رقم يهمّ مشروعك.
إذا ما عجبنيش العرض بعد الجلسة؟
تكمل على روحك بالتحليل اللّي خذيتو، وما تلزمكش خطوة ثانية.
نجم نجي مع شريك/محاسب؟
مرحبا! كل من يهمّه قرار الفلوس في شركتكم ينجم يحضر.
طريقة الدفع؟
بطاقة بنكية أونلاين، إي دينار، أو كاش في مقرّنا قبل الجلسة.
Copyrights by EpicDev™ 2026 | Terms & Conditions